Për të disatën ditë radhazi banorët e Laprakës dhe Paskuqanit kanë në protestë kundër projektit të ‘Unazës së Madhe’, i cili rrezikon banesat e tyre. Në një prononcim për mediat ata shprehen të vendosur të mbrojnë banesat e tyre duke e cilësuar projektin si vepër kriminale të shtetit. Ai tha se, gjendjen në një situatë më të keqe se Ukraina, pasi qeveria e tyre po i lë në mes të katër rrugëve dhe policia në vend t’i mbrojë po i dhunon.
“Një banor tha se situata e krijuar këtu është akoma më e rëndë se ajo e Ukrainës, duke shtuar se asnjë pushtues nuk do kishte vepruar siç po bën shteti me popullin e tij. Keni krijuar plagë sociale, me këto projekte të fshehura. Kjo plagë do bëhet aq e madhe sa nuk do ketë Zot që e shëron. Mos krijoni kaos ose në këtë zonë mos u dukni fare. Ne jemi më keq se Ukraina, as një pushtues nuk e bën këtë, të na nxjerrin me gaz lotësjellës jashtë. Mua më dhemb shpirti kur i shoh këta banorë. Askush nuk po merret me thelbin, si u kryen legalizimet dhe si trafikantët ndërtuan pallate”, u shpreh një banor.
Një prej tyre tha se ministrja e Arsimit Evis Kushi ka lënë në harresë fëmijët e kësaj zone, të cilët sipas tij po përjetojnë trauma për gjithë jetën. “O ministrja Kushi me ty po flas, shihe këtë fëmijë! Pse ajo nuk po sjell psikologë, janë me mijëra fëmijë të cilët po marrin trauma për gjithë jetën. Ti je ministre e diktaturës, këta banorë sot nuk quhen shqiptarë se nuk kanë dhënë nga 5 mijë euro te sekserët e Artan Lames. Ky është genocid, në 30 vjet demokraci institucionet e shtetit kanë qenë Pazar, nuk merr dot një certifikatë pa lekë”-tha një nga banorët.
Discussion about this post