Giuseppe Tucci, 34-vjeçari italian me profesion zjarrfikës, humbi jetën pasi u rrah për vdekje nga një 28-vjeccar i lindur dhe i rritur në Itali, por me orgjinë shqiptare. Ngjarja ndodhi në një klub në Rimini, ku shqiptari punonte si truprojë, ndërsa viktima kishte shkuar si klient.
Mediat italiane kanë publikuar foton e fundit të viktimës, një moment prekës, ku babai i tij, Claudio Tucci, e puth të birin në ballë, ndërsa ndodhej në gjendje kome.
Giuseppe ndërroi jetë pas një dite e gjysmë agonie.
“Përshëndetje Peppe, sot në mëngjes në orën 07:18 u bë një javë që kur binte celulari i babait, me kaq profesionalizëm dhe delikatesë një mjek na ftoi të shkonim në Rimini, pjesa tjetër tani është lajm. Asgjë dhe askush nuk do të jetë në gjendje të na ngushëllojë, por i vetmi shpjegim që duam t’i japim vetes për të sjellë tragjedinë është se ju takoni një djall të shtunën mbrëma dhe shumë engjëj prisnin që të shpëtoheshit. Dhe do të vazhdojnë rrugëtimin e tyre tokësor falë jush! një përqafim i madh mami dhe babi”, është mesazhi që babai i 34-vjeccarit ka shpërndarë në rrjet.
Sipas prokurorisë publike të Riminit, 28-vjeçari shqiptar, Klajdi Mjeshtri, duhet të përgjigjet për vrasjen dhe ndodhet në burg për atë që ndodhi natën mes së shtunës dhe të dielës së kaluar.
Klajdi Mjeshtri, 28-vjeç me origjinë shqiptare, por i lindur dhe rritur në Itali, është arrestuar pasi akuzohet për “vrasje me dashje” të 34-vjeçarit, Giuseppe Tucci, punonjës zjarrfikëse. Sherri në fjalë ka nisur pasi e dashura e shqiptarit, është ankuar se 34-vjeçari po e ngacmonte.
Discussion about this post