Duket se kriza nga rritja e çmimeve në vendin tonë ka prekur edhe artistët. Këngëtari Alban Skënderaj tregoi duhet të bëjë fillimisht disa llogari para se të vendosë se ku do t’i kalojë pushimet këtë verë. Këngëtari tregoi se preferon t’i kalojë pushimet jashtë Shqipërisë pasi të përfundojë koncertet.
“Pushimet dua t’i bëj jashtë, sepse merr aq shumë nga Shqipëria me këtë verën me këto… saqë do pastaj të shkëputesh pak dhe të dalësh jashtë. Besoj nga fundi i gushtit ose shtatori, sepse korrik-gusht ritmet janë ashtu si janë”.
I pyetur për vendin se ku po mendon të shkojë, ai tha se i pëlqejnë vendet tropikale por shtoi se duhet të bëjë disa llogari më parë. Sipas tij për njerëzit me këmbë në tokë, në ato vende shkohet “një herë në kaq kohë.”
“Vende kam por se di a do mundemi të ikim… Janë këto vendet tropikale të bukura shumë, po aty duhet parë një herë, duhen bërë ca llogari. Janë vende që duhet të ikësh një herë në kaq kohë. Ne që jemi me këmbë në tokë. Aty realisht çlodhesh. Ne ishim në Maldive që xhiruam edhe klipin”.
Vitet e fundit çifti simpatik Alban Skënderaj dhe Miriam Cani nuk ka qenë shumë aktiv në muzikë duke u fokusuar më shumë te familja dhe bota e biznesit. Ata janë prindër të dy fëmijëve, Duami dhe Ameli.
Discussion about this post