Teksa po dilte nga fusha gjatë derbit, Nicolo Zaniolo i është kundërpërgjigjur fyerjeve të tifozëve të Lazios duke bërë një gjest shumë të turpshëm.
Ai preku organin gjenital si një fyerje për tifozerinë kundërshtare, megjithatë ky moment i pahijshëm u filmua dhe u bë shumë viral, duke nxitur zemërimin e mbështetësve të ekipit të trajnerit Sarri.
Ky moment u pa edhe nga inspektorët e prokurorit federal, të cilët kanë përfshirë gjithçka në raport, bën me dije ‘Il Messaggero’.
Gjithçka tani kalon në duart e gjyqtarit sportiv Mastrandrea i cili do të duhet të vendosë se çfarë të bëjë me lojtarin, skualifikim apo gjobë?
Te klubi i Romës nuk janë të shqetësuar, kjo për shkak se në të kaluarën u ka ndodhur lojtarëve të tjerë (nga Balotelli në Kalabri, duke kaluar nga lojtari i Romës De Rossi, Salvatore Esposito i Pescara në Serie B) dhe asnjë nuk është skualifikuar asnjëherë, me shumta që u ka ndodhur ka qenë gjobitja. Prandaj, verdhekuqtë nuk kanë frikë se do luajnë pa një prej talenteve të tyre./K.T/Gijotina.com
