Sunderlandi i Granit Xhakës nderohet në minutat e fundit në ndeshjen e radhës në kampionatin anglez të futbollit. Në St.James Park, kjo skuadër arriti të mposhtë me rezultatin 2-1, Newcastle që vinte në këtë përballje pas humbjes së rëndë të pësuar në Camp Nou me rezultatin 7-2.
Dhe ishte skuadra vendase ajo që e nisi më mirë ndeshjen teksa që në minutën e 10 shënoi golin e avantazhit me Anthony Gordon duke lënë të kuptohet se ndoshta e kishte lënë pas makthin e përjetuar në mesjavë. Pjesa e parë u mbyll pikërisht me avantazhin e Magpies. Por në pjesën e dytë u pa një reagim i Sunderlandit që në minutën e 57 barazoi me Chemsdine Talbi, ndërsa në minutën e 90 erdhi edhe goli i dytë për Sunderlandin i shënuar nga Brian Brobbey duke e fituatr sfidën 2-1, një sukses ky që e ngjit atë në kuotën e 43 pikëve në vendin e 11 duke lënë pas pikërisht Newcastle që mbetet me 42 pikë në vendin e 12.
Aston Villa i imponohet West Ham duke e mundur me rezultatin 2-0 dhe tashmë e sheh veten me 54 pikë, në vendin e katërt 1 më pak se Manchester United në të tretin. Në Villa Park, rezultati për të besuarit e Unai Emery u zhbllokua që në minutën e 15 kur McGinn shënoi golin e parë për skuadrën nga Birmingham. Në pjesën e dytë ishte Ollie Watkins ai që la gjurmë në këtë përballje teksa shënoi golin që e çoi rezultatin 2-0 për Aston Villën, një rezultat që mbeti i tillë deri në fund. Në ndeshjen tjetër, Tottenham humbi një shans shumë të mirë për t’iu shkëputur disi zonës së ftohtë të rënies nga kategoria teksa pësoi një tjetër disfatë në kampionat. Këtë radhë, skuadra e Hotspurs u mund në shtëpi nga Nottingham me rezultatin 0-3 dhe vazhdon të jetë vetëm 1 pikë para vendit të 18 që mbahet nga West Ham.
gijotina.com/
Discussion about this post