Raundi i 13-të në Premier League ka parë spektaklin e Arsenalit, me “Topçinjtë” e Artetas që fituan 2-5 kundër West Ham dhe ngjiten për momentin në vendin e dytë të klasifikimit. Historike ndeshja në Londër, me shtatë golat që u shënuan në pjesën e parë.
Dueli u hap nga Gabriel për Arsenalin, që shënoi pas dhjetë minutave lojë. Më pas Trossard, Odegaard me penallti dhe Havertz dërguan ndeshjen në 0-4, para se Bissaka dhe Emerson të gjenin golat te vendasit. Në fundin e pjesës së parë ishte Saka që nga 11 metra nuk gaboi dhe shënoi golin e pestë.
Historia – Kjo është vetëm ndeshja e katërt e Premier League në të cilën janë shënuar shtatë gola në pjesën e parë, pas Blackburn-Leeds në shtator 1997, Bradford-Derby në prill 2000 dhe Reading-Manchester United në dhjetor 2012.
Po sot, Brentford fitoi 4-1 kundër Leicester, aty ku te miqtë debutoi në stol Ruud van Nistelroy. Palace dhe Newcastle barazuan 1-1, Nottingham mposhti 1-0 Ipswich dhe Bournemouth fitoi 2-4 në fushën e Wolves.
Renditja
gijotina.com/
Discussion about this post