Të mërkurën u bë zyrtarisht i njohur finalisti i dytë UEFA Champions League. Ky është Manchester City. Qytetarët mposhtën Realin e Madridit 4 me 0, duke konfirmuar se janë skuadra më në formë e momentit.
Tani në finale të turneut, Manchester City do të ndeshet me Interin. Çuditërisht, ky do të jetë takimi i parë zyrtar mes rivalëve në historinë e klubeve, sipas Opta Sports.
Kujtojmë se Interi eliminoi në fazën gjysmëfinale Milanin në euroderbin e Milanos për të mbërritur kështu në finale e Stambollin dhe për të tentuar që ta fitojë për herë të katërt këtë trofe, ndërkohë që Manchester City nuk e ka fituar asnjëherë më parë Champions League dhe ky ka qenë gjithmonë meraku i trajnerit katalanas Pep Guardiola.
Finalja luhet më 10 qershor në Olympic Ataturk Stadium të Stambollit.
Discussion about this post