‘2024 do ta vulosë fundin e tunelit të Murrizit”, kështu thoshte kryeministri Edi Rama 2 vite më parë. Jemi në përfundim të muajit të dytë të vitit 2025 dhe ende asgjë, vetëm premtime dhe fjala “mund të” dëgjohet vazhdimisht. Madje edhe ditën e sotme live në Facebook Rama u shpreh se beson që tuneli i Murrizit në Rrugën e Arbrit do të hapet në muajin mars. Rama pranoi vështirësitë e hasura gjatë punimeve. Ai tha se nga pranvera dibranët mund të shkojnë e vijnë me rrugën e hapur.
“Realisht ai tunel na ka marrë shpirtin. Rruga e Arbrit nuk kemi lënë gjë mangët, por të papritura si gjeologjia e tunelit të Murrizit. Jemi në kushtet po shkojmë drejt përfundimit pas një riarmatimi me një teknologji tjetër të të gjithë tunelit.
Besoj shumë se më në fund në mars do ta heqim këtë sy të keq nga shpina, sepse realisht ai tunel na ka marrë shpirtin. Por, bashkë me pranverën do të dalë edhe shpirti i keq nga tuneli dhe dibranët mund të venë e vijnë me rrugën e hapur”, tha Rama.
Nuk dihet sa i besushëm duhet të jetë këtë herë Rama, por ne duam të dimë kush do të mbajë përgjegjësi për kë vite që është shkelur afati, ka bllokuar rrugën e Arbrit dhe janë hedhur miliarda shpenzime?!
Tuneli i Murrizit është 3.7 kilometra i gjatë. Punimet u hapën në maj të 2019-ës por projekti ka pasur ecuri të avashtë. Qeveria e ka arsyetuar këtë ecuri me gjeologjinë e vështirë.
Në këtë vit, zbatimi i kontratës koncesonare për rrugën e Arbrit hyn zyrtarisht në vitin e shtatë të zbatimit, duke konsumuar gjysmën e afatit të kontratës 13 vjeçare me qeverinë shqiptare.
Kompania që ka fituar koncesionin për rrugën e Arbrit ka marrë më shumë se gjysmën e financimit, mbi 12 miliardë lekë. Në tre vitet e ardhshme buxheti planifikon edhe 10 miliardë lekë të tjera.
Bonusi i pranverës për pensionistët/ Rama e ndau mendjen: Do të shpërndahet nga 1 Marsi
Discussion about this post