Sapo kishte marrë mandatine parë si Kryeministër, në vitin 2013, Edi Rama premtoi Rilindjen e shëndetësisë dhe shëndetësinë falas.
Edhe pse hymë në mandatin e tretë të udhëhequr nga Edi Rama, si rilindja ashtu edhe edhe ajo falas mbetën premtime thjesht elektorale, ndërsa shëndetësia degradoi në një gjendje të mjerueshme e vështirë se mund të krahasohet me ndonjë rast europian.
Gjithsesi propaganda e cila mbetë vetëm në slogane dhe shoë vijojnë, në media shfaqet herë Ogerta Manastirliu, herë shefi i qeverisë Rama dhe në jo pak raste të dy bashkë që flasin për rilindjen e shëndetësisë.
Pavarësisht se shqiptarët paguajnë taksa, sigurime shëndetësore, sërish detyrohen të largohen për të gjetur zgjidhjen , për një konsultë apo mjekim më të mirë.
Dy vite nga pandemia covid 19, ishte ajo që rrëzoi propagandën dhe shoë-n dhe ndoshta nga Rinasi u ngritën më shumë avionë charter që transportonin të sëmurë me Covid, se sa qarkullonin taksitë në kohën e shtetrrethimit të vendosur nga Rama si masë “shëndetësore” ndaj armikut të padukshëm.
Pavarësisht se propaganda qeveritare e ka servirur shëndetësinë fushë me lule, sërish gjendja është alarmante.
Në redaksinë e Gijotina.com kanë mbërritur fotot të cilat tregojnë ambientet e konsultave në Spitalin e Traumës. , ku shkojnë qindra e mijëra qytetarë.
Fotot e mëposhtme tregojnë gjendjen reale në këtë spital, jo atë që do të servir Rama apo Manastirliu, por atë që sytë e pacientëve shohin çdo ditë.
Mjediset e brendshme të spitalit mund të krahasohen vetëm me galeritë, ku uji rrjedh, dhe lagështira mbizotëron.
Korridoret, EKG apo në dhomat e mjekëve, s´kanë asnjë lidhje me mjedise spitalore. Më shumë ngjajnë me ato ËC publike të kohës së diktaturës.
Kjo është gjendja reale në spitalin e Traumës, atje ku hyjnë e dalin pacientë e familjarë të tyre, stafe mjekësore dhe drejtues, dhe ku rrëzohet çdo propagandë dhe shoë, ku fjalët e bukura dhe premtimet boshe zerohen, apo ku në vend që pacienti të shpresojë se do të dalë mirë, i duhet të mendohet se ku ka hyrë.
