Në moshë të re, Henri Lansbury ishte një nga lojtarët më premtues në ekipin e të rinjve të Arsenalit, deri në pikën që Arsène Wenger, trajneri legjendari “The gunners” deklaroi se ai do të ishte “një lojtar i madh”. Megjithatë, si shumë raste të tjera, jeta si futbollist nuk shkoi aq mirë sa kishin parashikuar analistët dhe vetë Lansbury.
Ai bëri vetëm tre ndeshje me Arsenalin, duke kaluar nga huazimi në huazim, përpara se të vendosej te Nottingham Forest, ku arriti 145 ndeshje në pesë sezone (2012-2017). Nga atje, pasuan periudhat te Aston Villa, Bristol City dhe Luton Town, klubi i fundit që ai përfaqësoi.
Në moshën 32-vjeçare, ai vendosi “të varë këpucët në gozhdë”, por për arsye të mirë. Një mundësi biznesi që lindi, e cila tejkalon atë që mund të arrihej në futboll. Kujdesi për fushat. Dhe kjo, çuditërisht, u shfaq në jetën e tij në një nga momentet më të ndërlikuara të viteve të fundit.
“Gjithçka ndodhi në izolimin e parë, kur isha mbyllur në shtëpi dhe fillova të interesohesha për kopshtarinë. Fillova të spërkas barërat e këqinj me gjëra toksike, me pleh toksik. Gruaja ime nuk ishte shumë e kënaqur me këtë. Një ditë ajo më pyeti “pse nuk përdor pleh organik?” Fillova ta shikoja propozimin me një mikun tim, gjetëm një zgjidhje dhe e çuam në një nivel tjetër”,- ka treguar ai për ‘talkSPORT’.
Dhe në një nivel tjetër lexoni ‘Champions League’. Biznesi i Lansbury po lulëzon dhe kompania “Grass Gains” ka grumbulluar tashmë disa vende pune. “Ne jemi kujdesur për Fulham, Genk dhe së shpejti do të shkojmë në Monaco. Ne po ecim në drejtimin e duhur.
Disa klube lokale tashmë na kanë kërkuar dhe ne gjithashtu jemi kujdesur për fushat e tyre. Unë dua të ndihmoj klube të vogla, t’i ndihmoj ata që të kenë një fushë të mirë për të luajtur. Nuk ka asgjë më të mirë se një fëmijë që vrapon në një fushë me vija. Kjo është ajo që ju ndihmon të zhvillohesh”, shtoi ai.
Discussion about this post