Sokol Kushta, ish-futbollisti i famshëm i Kombëtares, me anë të një statusi në profilin e tij në ‘Facebook’, ka prekur çështjen më të nxehtë, atë të trajnerit Edy Reja.
Ish-sulmuesi vlonjat ka shpërthyer në akuza ndaj italianit, ndërsa ka dhe një apel për presidentin Armand Duka.
“Mbas shiut thonë del dielli. Do presim të shikojmë reagimin e presidencës si do veprojë me zgjedhjen e trajnerit te ri. Por ne duhet të heqim dorë nga këta trajner delirant, prepotent, cinik, dhe intrigant, ky trajner që në asnjë ndeshje nuk mori përsipër një herë të vetme mbi shpatulla gabimin e tij, por e delegojë mbi të tjerët mbi lojtarët ,mbi barin e fushës ,mbi arbitrin por asnjëherë mbi vete tregon mungesë të theksuar karakteri dhe në këtë moshë që është dhe si i pacipë pret që të vendosi presidenti për kontratën e re.
Presidenca duhet të zgjedhë një njeri punëtor me karakter luftarak të respektoj popullin dhe mentalitetin shqiptar psh ka trajner si Gatuzo që kur vajti në Greqi pagoj me lekët e tij rrogat e lojtarëve. I mbështeti dhe i doli në krahë në çdo moment, një njeri me zemër dhe me emër të madh që do punën prandaj duhet ta shikojë mirë kë trajner do zgjedhim, se elementi dhe talenti në këta djem nuk na mungon, që sa më shpejt ata tifozë që i kthyen kurrizin dje, të rikthehen sa më shpejt me lojtarët tanë”, shkruan Kushta.
Discussion about this post