Prerja e pemëve për koncertin e Noizy-t/ Teliti: Shkelje ligjore, kryetarja do mbajë përgjegjësi

Dorian Teliti, anëtar i Këshillit Bashkiak të Tiranës tha se vendimi për të shkatërruar 42,934 m² gjelbërim në Parkun e Liqenit ku do të mbahet një koncert i Noizy-t nuk ka kaluar në Këshillin Bashkiak dhe se ka nuk ka pasur asnjë informacion lidhur me këtë situatë.

I ftuar në MCN Tv, Teliti tha se kjo vendimmarrje është një shkelje e madhe ligjore dhe kryetarja në detyrë duhet të mbajë përgjegjësi.

Teliti: Zero informacion, absolutisht nuk ka kaluar në Këshillin Bashkiak. Është vendimmarrje e vetë Autoritetit Ekzekutiv të Bashkisë së Tiranë pa pyetur, pa diskutuar dhe pa marrë miratimin e Këshillit Bashkiak, se po flasim për tjetërsim të përdorimit të pronës. Ishte pronë publike, shohim do keqpërdoret për një aktivitet biznesi për të kryer koncerte si i datës 30, i atij që i bëri fushatën e tallavasë kryeministrit. Është në shkelje totale të ligjit. Ishte surprizë për ne, por jo aq shumë sepse këto shkelje i kemi parë të bëhen gjatë 12 viteve të fundit. Fatkeqësisht dhe ajo kurorë e gjelbër po kafshohet nga godina, pallate dhe kull, vazhdon të kafshohet përzëri në zemër të parkut të liqenit që në vend që të shtonin gjelbërimin e Tiranës, shkojmë ndërtojmë dhe i kthehemi dhe anës tjetër për të kryer aktivitete tregtare.

Kush e ka marrë vendimin? Do e zbardhim këto ditë, por normalisht autoriteti më i lartë i Bashkisë Tiranë duke filluar që nga kryetari i bashkisë se Këshilli Bashkiak nuk e ka marrë këtë vendim. Automatikisht autoriteti tjetër është kryetarja e bashkisë. Kryetarja e bashkisë do të dalë dhe do të mbajë përgjegjësi ligjore sa i përket fakti që si është e mundur që një zonë 40 mijë m2 merret.

Jemi në kuadër të shkelje të madhe ligjore që ne do ta ndjekim dhe do ta zbardhim dita ditës me ato mundësi që kemi. Sot është data 25 maj dhe nesër është dita e fundit që duhet lajmëruar mbledhja e Këshillit Bashkiak për muajin maj.