Ndërsa shqiptarët në Shqipëri e Kosovë festojnë pavarësinë me flamujt kuq e zi, atyre në Serbi u ndalohet diçka e tillë.
Kryetarja e Preshevës Ardita Sinani e ka cilësuar këtë si një fakt të trishtë. Ajo thotë se moslejimi për të përdorur flamurin kombëtar tregon qartë shtypjen sistematike të shqiptarëve të Luginës së Preshevës dhe zbehjen e identitetit të të drejtave legjitime që kanë shqiptarët. Në një mesazh të urimit të 28 nëntorit, kryetarja Sinani u shpreh se këtë vit për herë të parë kjo festë po organizohet nga Ambasada e Republikës së Shqipërisë, shhkruan A2.
“Edhe pse shqiptarët në Luginën e Preshevës vazhdojnë të përballen me padrejtësi të thella dhe diskriminim të hapur, ne sot e më shumë se kurrë duhet të qëndrojmë të bashkuar. Është fakt i trishtë që vetëm shqiptarëve në Serbi u ndalohet përdorimi i Flamurit Kombëtar, një simbol i shenjtë që përfaqëson identitetin dhe dinjitetin tonë kombëtar. Ky akt është një shprehje e qartë e shtypjes sistematike sistematike që synon të zbehë identitetin dhe të drejtat tona legjitime si popull në këto troje”, shtoi ajo.
Kryetarja e Preshevës, Ardita Sinani shtoi më tej se janë të vendosur për të vazhduar betejën për kërkuar barazi dhe respekt. Ajo tha se diskriminimi dhe përpjekjet për të heshtur popullin shqiptar në Luginë të Preshevës nuk mund të ndalin përpjekjet për të ruajtur gjuhën, kulturën dhe traditën. E para e Preshevës theksoi se flamuri që ka valuar ndër shekuj si simbol i unitetit dhe qëndresës do të vazhdojë të jetë “burim i frymëzimit dhe krenarisë”.
gijotina.com/
Discussion about this post