Real Valladolid i Ronaldos po kalon një moment të komplikuar në çdo front. Të ardhurat ekonomike kanë zbritur si pasojë e rënies LaLiga Smartbank (Segunda Division), gjë që krijon shumë dyshime rreth projektit të Ronaldo Nazarios, i cili kërkon ndihmë në Bernabéu. Tre detyra të kërkuara nga Florentino Pérez i cili ka filluar të japë përgjigje.
Ndërkohë që disa media pretendojnë se ai ishte gati të shiste klubin te një fond amerikan, nga Valladolid, Ronaldo Nazario fillon të mendojë për një sezon të ardhshëm ku do t’i duhet edhe një herë të luftojë kundër atij ferri të quajtur Kategoria e Dytë. “Fenomeni” i kërkon Real Madridit 3 lojtarë të rëndësishëm.
Zbritja me një kategori do të thotë të fitosh shumë më pak para, të jesh në gjendje të investosh vetëm ‘qindarka’ dhe të duhet të bësh operacione të çuditshme që ndihmojnë për t’u kthyer në nivelin më të lartë sa më shpejt që të jetë e mundur.
Ronaldo Nazario dhe Real Valladolidi i tij do të gjejnë gjithë këtë panoramë kur të nisin një sezon 2023/2024 që tashmë i detyron të gjejnë rrugën për t’u rikthyer në elitën e futbollit spanjoll.
Braziliani është zhytur në një sërë kritikash dhe pyetjesh që kanë mbërritur në zyrën e kryebashkiakut të Valladolidit.
Të gjithë duket se janë kundër mënyrës së tij të udhëheqjes së një klubi që ka rënë dy herë në tre sezonet e fundit dhe që, e përsërisim, do të duhet të përforcohet me lojtarë të një kalibri modest që ofron merkato e Kategorisë së Dytë.
Të paktën Ronaldo beson se miku i tij Florentino Pérez mund të jetë një ndihmë e madhe në këtë drejtim.
Presidenti i Real Madrid ka marrë në konsideratë kërkesat e klubit vjollcë dhe megjithëse nuk është kundër ofrimit të ndihmës ndaj një klubi mik, ai tashmë ia ka bërë të qartë Ronaldos se do të duhet të konsultohet si me José Ángel Sánchez ashtu edhe me Carlo Ancelottin, i cili ka fjalën e fundit.
Álvaro Rodríguez, Reinier dhe Nico Paz, janë objektivat e ish-sulmuesit legjendar brazilian për Valladolidin e tij për sezonin 2023/2024.
Argjentinasi pas pak javësh do të ketë një propozim nga Espanyol, ish-lojtari i Gironas dhe Dortmundit është në kërkim të një destinacioni dhe mund të ndodhë që Ronaldo të gjejë probleme mbi të gjitha kur kërkon shërbimet e Álvaro Rodríguez.
Uruguaiani ka mbështetjen e plotë të Carlo Ancelottit për ta nisur sezonin e ardhshëm në ekipin e parë dhe italiani tashmë e ka bërë të qartë brenda Valdebebas se i duhet si sulmuesi i tretë i një skuadre që duket se nuk do e ketë në djirin e saj, anglezin Harry Kane. Florentino Pérez e përsërisim, kërkon kohë për të studiuar operacionin.
Discussion about this post