Kryeministri Edi Rama është nisur sot drejt Shteteve të Bashkuara të Amerikës, pasi mësohet se nga 1 qershori Shqipëria merr presidencën e Këshillit të Sigurimit të OKB.
Për 30 ditë, vendi ynë do të mbajë drejtimin e institucionit më të rëndësishëm botëror për sigurinë, në Kombet e Bashkuara.
Një vit më parë, më 11 Qershor 2021, Shqipëria u pranua si anëtare e përkohshme në Këshillin e Sigurimit të OKB. Kjo është dhe arsyeja pse Rama dhe ministrja Olta Xhaçka do të nisen sot drejt Amerikës, ku do të qëndrojnë për pak ditë.
Ndërkohë, në Kuvend do të mbahet seanca plenare për raundin e tretë të zgjedhjes së Presidentit të Republikës. Një seancë që pritet të zgjasë vetëm pak minuta, pasi opozita dështoi të propozonte një emër, duke pretenduar se PS e prishi marrëveshjen.
Discussion about this post