Presidenti aktual i Maqedonisë së veriut, Stevo Pendarovski, kërkon mandatin e dytë presidencial përballë Gordana Siljanovska Davkovës (VMRO-DPMNE), Bujar Osmanit (BDI) dhe Arben Taravarit (opozita e bashkuar shqiptare).
Afati i paraqitjes së kandidaturave për zgjedhjet presidenciale skadon më 8 Mars.
Zgjedhjet presidenciale në Maqedoninë e Veriut do të mbahen në dy raunde, i pari më 24 prill, ndërsa rundi i dytë do të mbahet së bashku me zgjedhjet parlamentare, më 8 Maj.
Partia e majtë në pushtet Lidhja Social Demokrate maqedonase në konventën partiake ka shpallur kandidaturën për mandatin e dytë të presidentit aktual Stevo Pendarovski. Lidhja Social Demokrate e kishte zgjedhur Pendarovskin si kandidat të saj për president para pesë vjetësh.
“Gjatë mandatit të dytë pres që të bëhemi shtet anëtar i Bashkimit Evropian”, u shpreh Pendarovski.
Duke komentuar kërkesën e partive shqiptare që presidenti në të ardhmen të zgjidhet nga Kuvendi, Pandarovski tha se është kundër një kërkese të tillë, pasi zgjedhja e presidentit në Kuvend nuk do t’i jepte kreut të shtetit fuqinë që merr nga populli përmes zgjedhjeve të drejtpërdrejta.
Më herët ishte partia opozitare maqedonase, VMRO-DPMNE, e cila zyrtarizoi emrin e deputetes Gordana Siljanovska Davkovën si kandidate për zgjedhjet presidenciale më 24 prill në Maqedoninë e Veriut.
Përveç Pendarovskit dhe Davkoves. gjithashtu garojnë edhe Bujar Osmani, kandidat i Bashkimit Demokratik për Integrim (BDI), si dhe Arben Taravari, kandidat i opozitës së bashkuar shqiptare, që kanë mbledhur 10 mijë nënshkrimet e nevojshme për të marrë pjesë në garën presidenciale maqedonase.
Discussion about this post