Kreu i grupit parlamentar të PD, Enkelejd Alibeaj ka njoftuar sërish mbledhje të deputetëve ditën e sotme në selinë blu për të arritur në një dakordësi sa i takon procesit për zgjedhjen e Presidentit të ri.
Mësohet se mbledhja do të zhvillohet në orën 16:00 në selinë blu dhe pritet të ketë një numër të reduktuar deputetësh, por të mjaftueshëm për të plotësuar kuorumin prej 20 firmash.
Kujtojmë se ditën e djeshme pas 3 orëve diskutim u propozuan disa emra kandidatësh që më pas do ti shkojnë mazhorancës për votim në parlament, sipas marrëveshjes të arritur mes Alibeajt dhe Taulant Ballës.
Nga ana tjetër, Komisioni i Rithemelimit e bojkotoi mbledhjen pasi sipas tyre marrëveshja mes opozitës dhe mazhorancës tregon qartë se Alibeaj po punon në shërbim të Ramës dhe se ai nuk është i deleguar nga partia për të negociuar për Presidentin.
Kandidatët që kalojnë në fazën tjetër:
1.Leonard Demi
2.Arben Çejku
3.Dritan Demiraj
4.Dashamir Shehi
5.Rexhep Uka
6.Halim Kosova
7.Leka Zogu
8.Visar Zhiti
Discussion about this post