Kreu i Grupit Parlamentar të PD-së, Enkelejd Alibeaj ka folur ne tryezën e negociatave për zgjedhjen e presidentit të ri që ka bërë bashkë sot opozitën dhe maxhorancën. Alibeaj u shpreh se opozita është pro negociatave që qeveria mos ta zgjedhë vetë presidentin. Më tej, kreu i Grupit të PD, tha se është e rëndësishme që presidenti të zgjidhet me tre raunde.
Alibeaj theksoi se maxhoranca e ka humbur legjitimitetin e shqiptarëve për të zgjedhur presidentin.
“Kjo mbledhje diçka ka arritur. Fakti që e gjitha po bëhet në sy të publikut. Nuk ka më mirë se për një proces kaq të rëndësishëm ata që janë të interesuar duhet të dinë si zhvillohet ky proces. Mbi çfarë piketash. Mbi çfarë vlerash. Ai që do ulet në postin e presidentit, të jetë as i njërit, as i tjetrit por it ë gjithë shqiptarëve. Presidenti duhet në çdo rast të ketë mbështetje konsesuale. Është kjo fryma, gërma e kushtetutës.
Madje dhe nevoja e rendit institucional të Kushtetutës. Mekanizmi zhbllokues nuk mund të shndërrohet në rregull. Është përjashtim vetëm atëherë kur opozita nuk do. Opozita mori pjesë që pjesa tjetër e Kuvendit të mos shkojë te raundi i katërt dhe i pestë dhe të këndojë që ata nuk erdhën dhe po e zgjedhim ne. Kjo është arsyeja pse kemi marrë pjesë në këtë proces. Është e nevojshme dhe madje e domosdoshme që presidenti të zgjidhet në këto tre raunde. Ka humbur totalisht sensi i ndarjes së pushteteve.
Do mjaftonte kjo që të mos kishte asnjë lloj diskutimi por vetëm të pranohej qëndrimi ynë. Ajo që sot konsiderohet maxhorancë nuk e ka legjitimitetin Tani është bërë e ditur. Të paktën 5 mandate dhe 2 të tjera që nuk e frekuentojnë më këtë seli kanë treguar që nuk keni legjitimitetin real të shqiptarëve për të zgjedhur presidentin qoftë edhe me shumicë të thjeshtë”, u shpreh Alibeaj.
Discussion about this post