Presidenti Begaj pret të ngarkuarin me punë të ShBA, David Wisner

Presidenti Bajram Begaj ka zhvilluar sot një takim me të Ngarkuarin me Punë të Shteteve të Bashkuara në Tiranë, David Wisner.

Presidenca ka bërë me dije se Presidenti Begaj ka theksuar rolin kyç që SHBA-së ka në konsolidimin e demokracisë në Shqipëri, ndërsa ka konsideruar thelbësore mbështetjen e SHBA-së në rritjen e efikasitetit në luftën kundër krimit të organizuar dhe korrupsionit në vend.

“Presidenti i Republikës, Sh.T.Z. Bajram Begaj priti sot të Ngarkuarin me Punë të Shteteve të Bashkuara në Tiranë, z. David Wisner.

Gjatë takimit, Kreu i Shtetit rikonfirmoi angazhimin e palëkundur të Shqipërisë ndaj partneritetit strategjik me Shtetet e Bashkuara.

Presidenti Begaj theksoi gjithashtu rolin kyç të SHBA-së në konsolidimin e demokracisë në Shqipëri.

Në këtë kuadër, Presidenti Begaj e konsideroi thelbësore mbështetjen e SHBA-së në rritjen e efikasitetit në luftën kundër krimit të organizuar dhe korrupsionit në vendin tonë”, njofton presidenca.