Presidenti i Shqipërisë, Bajram Begaj ka dekretuar ligjin për rritjen e pagave për veten e tij, kryeministrin Edi Rama, ministra, deputetët dhe për punonjësit e administratës publike.
Gjithashtu ka dekretuar edhe ligjin për statusin e prokurorëve dhe gjyqtarëve në Republikën e Shqipërisë.
Begaj kishte dhënë pëlqimin e tij përpara se të miratoheshin në Kuvendin e Shqipërisë gjatë seancës së të enjtes.
Deputetët votuan në seancën e së enjtes për të dyfishuar rrogat e tyre me argumentin se pas prekjes së pagave të majës së piramidës së administratës shtetërore, ata merrnin rrogë më të vogël se drejtorët nëpër ministri.
Votimi erdhi më pak se dy javë pas zgjedhjeve të 14 majit.
Me përllogaritjen e re, nga 157 mijë lekë bruto që është paga e deputetit sot, prej 1 qershorit ata do të marrin 310 mijë lekë.
Discussion about this post