Shqipëria “fluturoi” në Play Off të Botërorit, pas fitores 0-1 ndaj Andorrës. Nuk mund të mos ishte i lumtur Presidenti i Federatës Shqiptare të Futbollit, Armand Duka, i cili bëri së fundmi një postim në rrjetet sociale.
Jemi në PLAY OFF!
E meritojnë këta djem fitoren sot, e meritojnë tifozët, e meriton çdo shqiptar që sot i ka rrahur zemra fort, po aq sa dhe mua!
Faleminderit për emocionet, për krenarinë, për gjithçka!
Ndersa në nje intervistë për Tv Klan, pasi Shqipëria u kualifikua në play off-in e Botërorit 2026, Presidenti i FSHF-së Armand Duka, tha se rruga drejt kualifikimit nuk është e lehtë.
Ai tha se sot në ndeshjen ndaj Andorrës nuk ishte e lehtë, duke u shprehur se goli i Kristian Asllanit çliroi gjithë shqiptarët.
Më tej, Duka shtoi se ka besim se Shqipëria do të shkojë në Botëror.
Kreu i FSHF, Armand Duka: Fituam një ndeshje të rëndësishme dhe të vështirë. Në vendin e dytë shkuam nëpërmjet këtij tre pikëshi. Çunat kishin presion. Goli i Kristit qetësoi gjithë shqiptarët. Do kemi ndeshje të vështira në mars, por kam besim te kualifikimi në Botëror. Kjo, sepse ne kemi një ekip tepër të mirë. Premio për golashënuesit? Lojtarët duan që gjithmonë të jenë të barabartë dhe jo që të ketë premio vetem ai që shënon dhe besoj se futbollistët e mendojnë më mirë se ne.
gijotina.com/
Discussion about this post