Asambleja e FSHF-së do të mbahet ditën e sotme në orën 10:00 në ambientet e “Shtëpisë së Futbollit” apo ndryshe zyrat e reja të FSHF.
Pritet që i ftuar të jetë edhe presidenti i Federatës Italiane të Futbollit, Gabriele Gravina.
Kreu i futbollit në Itali do të marrë pjesë në punimet e asamblesë, i ftuar nga FSHF. Gravina ka qenë edhe më parë në Tiranë, për një vizitë në zyrat e FSHF-së në muajin mars të vitit të kaluar.
Ai mban postin e presidentit të Federatës Italiane që prej 16 tetorit të vitit 2018, ku kandidoi edhe për herë të parë për këtë post. Ndërkohë, në 22 shkurt 2021 ai fitoi edhe mandatin e dytë me një shumicë prej 73% të votave.
Gjithashtu në muajin prill 2021, Gravina u zgjodh edhe si anëtar i Komitetit Ekzekutiv të UEFA-s, me 53 vota pro nga 55 gjithsej.
Discussion about this post