Presidenti i Federatës së Futbollit të Bosnje Hercegovinës pret në takim Armand Dukën: Do ta mbështesim në UEFA

Vico Zeljkovic, presidenti i Federatës së Futbollit të Bosnje Hercegovinës ka pritur sot në një takim kreun e FSHF, Armand Dukën.

Në këtë takim pune ishte i pranishëm edhe Marijan Kustic, kreu i Federatës së Futbollit të Kroacisë. Zeljkovic ka treguar mbështetjen e tij për Armand Dukën që do të hedh sërish kandidaturën për të marrë vendin në Komitetin Ekzekutiv të UEFA.

“Diskutuam bashkëpunimin mes Federatave dhe zgjedhjet në Federatën Europiane të Futbollit që zhvillohen në 5 prill në Portugali, ku Armand Duka do të jetë kandidat për Komitetin Ekzekutiv të UEFA-s. Ai ka marrë mbështetjen tonë të plotë”, tha Zeljkovic. /Sport Ekspres/