Pas finales emocionuese të kampionatit shqiptar në “Arenën Kombëtare”, ku Egnatia e Rrogozhinës triumfoi për herë të parë në historinë e saj me titullin kampion në Abissnet Superiore, ka ardhur edhe reagimi zyrtar nga Presidenti i Federatës Shqiptare të Futbollit, Armand Duka.
Në një mesazh publik, Duka ka përgëzuar skuadrën fituese, duke vlerësuar punën e lojtarëve, stafit dhe mbështetjen e tifozëve, ndërsa ka shprehur edhe dëshirën për një përfaqësim sa më dinjitoz të ekipeve shqiptare në arenën europiane.
Deklarata e plotë e Presidentit Armand Duka:
“Urime ekipit të Egnatias për fitimin e titullit kampion në Abissnet Superiore!
Një sezon fantastik, me beteja të shumta deri në momentet e fundit në kampionatin e rregullt dhe i mbyllur me një finale me emocione në ‘Arenën Kombëtare’.
Përgëzime për fituesit dhe për të gjitha ekipet garuese, duke nisur nga Vllaznia finaliste e deri tek ekipi i fundit që garoi në Abissnet Superiore për të arritur objektivat e veta.
Urime lojtarëve të Egnatias, stafit teknik, drejtuesve dhe tifozëve që ndoqën dhe mbështetën skuadrën e tyre në këtë rrugëtim të përmbyllur me trofe.
Dëshiroj shumë një përfaqësim sa më dinjitoz të ekipeve tona në kupat e Europës në vazhdim, që do të ishte edhe shpërblimi më i madh për punën e bërë gjatë gjithë sezonit futbollistik.”
Discussion about this post