Presidenti italian, Sergio Mattarella, është duke kërkuar një shtëpi me qira në Romë, ndërsa mandati i tij presidencial është drejt përfundimit.
80-vjeçari Mattarella u “kap” këtë javë, pasditen e së mërkurës, duke vizituar një apartament që po jepej me qira në një zonë rezidenciale të Romës midis Villa Ada dhe Villa Borghese së bashku me vajzën e tij, Laura.
Pronarja e shtëpisë, e shokuar i kërkoi një selfie, një kërkesë të cilën Presidenti e pranoi dhe pozoi pranë gruas, sipas gazetës italiane Corriere della Sera.
“President, nuk e di nëse mundem, por… a mund të bëjmë një foto?,“- i ka thënë ajo.
Fotoja nga shtepia me qera Mattarella, i cili ka banuar në Pallatin Quirinal që kur u bë president në shkurt 2015, po kërkon të marrë me qira, jo të blejë një shtëpi të re, kur koha e tij në detyrë të përfundojë në janar.
Burimet presidenciale pohojnë se ai nuk është i gatshëm të qëndrojë në detyrë për një mandat të dytë, një vendim i cili do të intensifikojë debatin se kush do ta pasojë atë. Kryeministri Mario Draghi është një kandidat i fortë për postin, megjithatë, asgjë nuk është konfirmuar ende.
