Presidenti i Këshillit Evropian, Charles Michel, do të zhvillojë një vizitë zyrtare në Serbi të enjten, më 19 maj, bëhet e ditur në faqen e Këshillit.
Charles Michel do të nisë turneun e tij në Ballkan duke vizituar Serbinë.
Presidenti i Këshillit Evropian do të udhëtojë nga Beogradi në Shqipëri më 20 maj dhe më pas në edhe në Bosnje Hercegovinë.
Para disa javësh gazetari gjerman Michael Martens në një shkrim në gazetën Frankfurter Allgemeine Zeitung me titull “Rusia jashtë, Kosova brenda”, ka deklaruar se Kosova së shpejti mund të jetë anëtari më i ri i Këshillit të Europës.
Në shkrimin e tij Martens thekson se qeveria e Kosovës po planifikon aplikimin për anëtarësim në KiE pas zgjedhjeve në Francë, ndërsa kjo mund të sjellë në pranimin e Kosovës në vitin 2023.
Për aplikimin e Kosovës për anëtarësim në KiE, ka folur edhe deputeti gjerman, Knut Abraham.
Abraam ka thënë se pas përgjigjes inkurajuese të Gjermanisë për të mbështetur anëtarësimin e Kosovës në Këshillin e Europës, hapi tjetër do të ishte që Kosova të dorëzojë aplikacionin e saj, në mënyrë që të diskutohet në seancën e ardhshme të Komitetit të Ministrave në Torino më 20 maj.
Michael Martens ka thënë gjithashtu se Kosova i ka mundësitë e mira për tu anëtarësuar.
Discussion about this post