“Rusi ndalo luftën, shkoni në shtëpi dhe dialogojmë”, me këto apel iu drejtua sot Presidenti i Këshillit të Evropës, Charles Michel presidentit rus në seancën e jashtëzakonshme të Parlamentit Europian.
Ndërsa shprehu mbështetjen ndaj Presidentit Zelensky dhe popullit ukrainas, Michel u shpreh se Vladimir Putin nisi një agresion të pajusfitikuar bazuar në gënjeshtra dhe e bëri për një arsye, sepse Zelensky zgjodhi demokracinë dhe lirinë.
“Fjalët që ju shprehët na godasin thellë në zemër dhe tregojnë sa serioze është vërtetë situata. Kjo sfidë është serioze dhe vendimet që duhet të marrim janë serioze. Putin nisi një agresion të pajustifikuar bazuar në gënjeshtra dhe e bëri për një arsye, sepse ju Zelensky bëtë zgjedhjen e demokracisë dhe lirisë. Nuk është vetëm Ukraina në sulm, ligji ndërkombëtar, demokracia dinjiteti njerëzor janë gjithashtu në sulm. Ky është terrorizëm gjeopolitik. Ne duhet të mbështesim Ukrainën, të mbrojmë paqen demokracinë dhe zonja e zotërinj, të gjithë jemi të bashkuar dhe po punojmë me G7 dhe OKB e shumë vende po bashkohen në një koalicion antiluftë. Rusi ndalo luftën, shkoni në shtëpi dhe të dialogojmë! Po vendosim presion maksimal, jemi këtu të mbështesim popullin e ukrainës. Është detyra jonë, për t’i bërë ballë këtij momenti historik,” u shpreh ai.
Ndër më herët, Zelensky përloti me fjalimin e tij para Parlamentit Europian, ku i bëri thirrje BE të ndihmojë Ukrainën të fitojë luftën ndaj Rusisë.
Discussion about this post