Në një intervistë për mediat, kreu i Grupit Parlamentar të Partisë Socialiste, Taulant Balla është shprehur se ende nuk ka emra për Presidentin e ardhshëm, por që nuk do të mungojë dialogu me Opozitën për këtë çështje. Balla tha se janë të gatshëm për të diskutuar me të gjithë Grupet Parlamentare me qëllim që t’i japin vendit një president që ai shprehet se duhet të jetë ‘normal’.
“Janë 5 raunde. Në 3 raundet e para do kërkojmë konsensus. Lidershipin e këtij procesi e ka mazhoranca socialiste. Gatishmëria e kësaj mazhorance, për të dialoguar me këdo, brenda Kuvendit të Shqipërisë jemi gatshëm të diskutojmë me të gjitha grupet parlamentar me qëllim që t’i japim Shqipërisë një President në një aspekt diametralisht të kundërt si ai që kemi pasur deri më tani. Merrni Ilir Metën si është sjellë në marrëdhënie me Kushtetutën, institucionet, me Kuvendin me ndërkombëtarët, dhe në këtë aspekt shkoni tek ai i duhuri. Shqipëria ka nevojë për një president normale. Unë do e mbështesja një presidente zonjë. Nuk ka emra konkretë në tavolinë. Jemi serioz për procesin. Pas 30 vitesh të shënojë procesin më transparent të përzgjedhjes së Presidentit. Që nga Kushtetuta e parë, është hera e parë që PS ka të drejtën e udhëheqësisë së këtij procesi. Nuk e kemi pasur as në 2012 dhe as në 2017. Këtu do jetë një proces, Kushtetuta thotë që kandidati duhet të mbështetet nga 20 firma deputetësh. Ka peshën e madhe. Dëshira jonë është brenda Kuvendit për të negociuar me këdo” – tha Balla.
Mandati i Presidentit mbaron në Korrik të këtij viti, ndërsa palët nuk kanë përzgjedhur ende emrat se kush mund të jenë kandodatët.
Discussion about this post