Presidenti i ri/ Dështon raundi i parë, nuk paraqitet asnjë kandidat për t’u votuar në Parlament

Kuvendi ka dështuar në raundin e parë për të votuar Presidentin e ri. Seanca e pasdites së sotme ezaurohet me zero kandidatë pasi nuk ka asnjë të propozuar nga të dyja palët.

Raporti i miratuar sot në Komisionin e Ligjeve do të prezantohet nga deputetja Klodilda Bushka.

Ashtu siç kishte paralajmëruar, mazhoranca nuk çoi asnjë emër kandidati për president në raundin e parë, duke i hapur rrugën opozitës, por edhe këto të fundit nuk u dakordësuan.

Me djegien e votimit të parë, konferenca e kryetarëve do te përcaktoje datën për raundin e dytë. Zgjedhja e Presidentit kalon në 5 raunde në Kuvend.