Kryetari i PBDNJ-së njëkohësisht aleati i Partisë Demokraitike, Vangjel Dule ka komentuar sot për herë të parë situatën në PD, ku vijon përplasja mes dy grupeve. Dule thotë se zgjedhja vjen vetëm nga demokratët dhe nuk na takon ne të ndërhyjmë në këtë proces.
“U takon demokratëve të atashohen pranë rrymave të ndryshme që të bashkëpunojnë me atë që demokratët zgjedhin si të parin e tyre. S’na takon ne të ndërhyjmë në këtë proces”.
Ai u shpreh dhe për Presidentin e ri, që do të pasojë Ilir Metën.
“Zgjedhja e presidentit nga ana e mazhorancës me procedura të njohura thjesht dhe vetëm do të zgjedhë një noter publik të politikave qeveritare për të cilin s’ka nevojë vendi”.
Pavarësisht se qeveria kërkon një President të kundërt të Ilir Metës, kjo sipas Dules është e gabuar. Sipas Dules vendi ndodhet në një moment të vështirë, duke u shprehur se shteti është i kapur.
Discussion about this post