Presidenti veteran i Malit të Zi, Millo Gjukanoviç, do të përballet në balotazh me ish-ministrin e Ekonomisë, Jakov Millatoviç, më 2 prill, pasi asnjëri prej shtatë kandidatëve në garën për president nuk kanë arritur të fitojnë 50 për qind të votave.
Qytetarët e Malit të Zi kanë votuar të dielën për të zgjedhur presidentin e vendit.
Qendra për Monitorim dhe Hulumtim në Podgoricë, tha se sipas rezultateve paraprake presidenti aktual dhe kandidati i Partisë Demokratike të Socialistëve, Milo Gjukanoviç, ka fituar numrin më të madh të votave, përkatësisht, 35.4 për qind.
Kandidati i Lëvizjes Qytetare “Evropa Tani”, Jakov Milatoviç, fitoi 29.3 për qind. Kandidati i Frontit Demokratik pro-serb dhe pro-rus, Andrija Mandiç siguroi 19.1 për qind të votave. Katër kandidatët tjerë morën prej 10.9 deri 0.8 për qind të votave.
Sipas Qendrës për Tranzicion Demokratik, pjesëmarrja në zgjedhje ka shkuar në 63.6 për qind.
Gjukanoviç ka thënë se është i kënaqur me rezultatin.
Ish-ministri Millatoviç, ekonomist pro-evropian nga lëvizja Evropa Tani, ka thënë se rezultati i tij përbën fitore në këto zgjedhje.
Rezultati zyrtar nuk pritet të publikohet disa ditë, për shkak të shqyrtimit të ankesave.
Gjukanoviç ka shërbyer si president, ose kryeministër, i Malit të Zi, për 33 vjet.
Ai shpreson edhe në një mandat
Mali i Zi, vend anëtar i NATO-s, ka rreth 625.000 banorë. Të drejtë vote në këto zgjedhje kanë pasur 542.154 qytetarë.
Discussion about this post