Këshilli Kombëtar i PD i mbledhur nga Komisioni i Rithemelimit, miratoi ditën e sotme një rezolutë për Presidentin e ri. Menjëherë pas vendimit ka ardhur edhe reagimi nga Partia Socialiste ku shprehet se nuk e njeh rezolutën e miratuar nga ata. Në një postim në rrjete sociale, ministrja Elisa Spiropali duke iu referuar ish-kryeministrit Sali Berisha, thotë se vendimi buron nga shkulmi anti-amerikan i një personazhi të listës së zezë të Shteteve të Bashkuara të Amerikës.
“Nëse është e vërtetë që Saliu paska mbledhur një kuvend për të vendosur kusht që hyjnë në negociata për Presidentin e ri vetëm nëse pranohet kandidati i tyre, atëherë ngushëllime kuvendarëve në fjalë dhe një kujtesë nga ana jonë: Grupi Parlamentar Socialist nuk njeh asnjë vendim të asnjë instance që buron nga shkulmi anti-amerikan i një personazhi të listës së zezë të Shteteve të Bashkuara të Amerikës dhe nuk ka ndërmend të ketë asnjë kontakt me atë burim të së keqes për Shqipërinë”- shkruan Spiropali
Discussion about this post