Në fjalën e tij sot, kryeministri Rama ka folur për përzgjedhjen e presidentit të ri. Ai tregoi se do të marrin parasysh çdo propozim të opozitës, vetëm nëse është një figurë bindëse dhe jo një personazh si Ilir Meta. “Nuk na duhet një president që del e flet për malin me gropa. Por një president që rrezaton përtej nesh. Nëse ata (PD) na sjellë një kandidatë bindëse, sigurisht që ne e pranojmë, por jo të jetë një figurë politike ku thërret qameti”, u shpreh Rama.
Më tutje ai theksoi se mazhoranca nuk njeh si opozitë Komisionin e Rithemelimit të drejtuar nga Berisha. Prandaj nuk do të marrë parasysh asnjë vendim të Rithemelimit me një person non-grata brenda tij.
“Unë përjashtojë çdo sugjerim që vjen nga një non- grata, nuk e pranojë atë si opozitë. Flas për opozitën e vërtetë. Lë të hidhet përpjetë por nuk do pranojë asnjë propozim të tyre, as për një hu gardhi te Lana nuk marrim opinione nga një buri i Rithemelimt që në fakt është një e keqe për Shqipërinë”, tha Rama, ndërsa u shpreh i keqardhur për ata që mbështesin Berishën, sipas tij ata po shkojnë në krah të kundër të së ardhmes dhe sjellin vetëm të keqe për vendin.
Discussion about this post