Sampdoria njoftoi se presidenti i tyre Massimo Ferrero ka dhënë dorëheqjen pasi u arrestua mëngjesin e sotëm.
Guardia di Finanza arrestoi Ferreron për krime të dyshuara korporative dhe falimentim në një hetim të kryer nga Prokurori Publik Paola në rajonin e Kalabrisë.
Sampdoria lëshoi një deklaratë zyrtare duke njoftuar se Ferrero kishte dhënë dorëheqjen si president i klubit.
“Ishte me habi të madhe që mësuam për ekzekutimin sot të një urdhri të paraburgimit kundër Massimo Ferrero. Ishte një kërkesë e Prokurorisë Publike të Republikës së Paolës për falimentim lidhur me ngjarje të shumë viteve më parë. Është ende e paqartë pse nevojiteshin kërkesat paraprake.”- thuhej në deklaratë.
Më tej në këtë njoftim bëhet me dije se ai nuk do jetë në krye të klubit dhe tashmë duhet të vërtetojë pafajësinë.
“Këto ngjarje janë krejtësisht të pavarura si nga menaxhimi ashtu edhe nga pronësia e Sampdoria-s dhe nga aktivitetet romake të Ferreros në lidhje me botën e kinemasë. Megjithatë, për të mbrojtur interesat e aktiviteteve të tjera në të cilat ai operon, dhe konkretisht, për të shmangur çdo spekulim në lidhje me Sampdorian dhe botën e futbollit, Ferrero synon të zyrtarizojë dorëheqjen e menjëhershme nga postet sociale. Në të njëjtën kohë, ai vihet në dispozicion të menjëhershëm dhe të plotë të hetuesve, të cilët do të kontaktohen nga avokatët e tij, Luca Ponti dhe Giuseppina Tenga, për të sqaruar pozicionin e tij dhe për të shmangur paragjykimet e mëtejshme ndaj realiteteve të ndryshme, si Sampdoria, e cila do të dëmtohej pa asnjë arsye.”-shtohet më tej në këtë njoftim./K.T/Gijotina.com
Discussion about this post