Presidenti i UEFA-së Alexander Ceferin është takuar me Kryeministrin Edi Rama dhe me kreun e FSHF-së Armand Duka ditën e sotme. Qëllimi i vizitës së presidentit Ceferin ishte diskutimi për problematikat e incidenteve të fundit lidhur me procesin zgjedhor të FSHF-së.
Në një prononcim për median menaxheri i ri i Kombëtares, Erand Ibrahimi, tha se në këtë takim UEFA mori garanci se procesi i zgjedhjeve në FSHF që do të zhvillohet në mars do të jetë i lirë dhe pa ndërhyrjen politike.
“Konteksti që u zhvillua kjo vizitë ishte shumë specifike. Ka qenë një takim ‘Kokë më kokë’ mes Ceferinit dhe Ramës, por siç u theksua në deklaratën që bërë presidenti i UEFA-së pas takimit që pati me Kryeministrin ishte e para marrja e një garancie shumë qartë që politika nuk do të ndërhyjë më në çështjet zgjedhore të FSHF. Komuniteti i Futbollit duhet të jetë ai që duhet të vendosë për të gjitha proceset zgjedhore, për të kandidatët dhe platformat që do të paraqesin. UEFA nuk ndërhyn në proceset zgjedhore të federatave dhe në këtë rast ka qenë në rolin e monitoruesit për çdo incident dhe çdo zhvillimi kanë këto tre muaj”, u shpreh Ibrahimi.
Discussion about this post