Presidenti ukrainas, Volodymyr Zelensky u takua me kryeministrin indian, Narendra Modi në samitin e G7-s në Japoni, takimi i parë midis të dyve që nga fillimi i pushtimit rus.
Modi, i cili deri më tani ka refuzuar të dënojë pushtimin tha se India do të bënte “çdo gjë që mundet” për të ndihmuar në përfundimin e luftës.
“Lufta në Ukrainë është një çështje e madhe për të gjithë botën,”- tha Modi. “Ka pasur gjithashtu shumë efekte në të gjithë botën. Por nuk e konsideroj të jetë vetëm çështje ekonomike apo politike. Për mua, është një çështje e njerëzimit.”
Nga ana e tij, Zelensky e ftoi Modin që t’i bashkohet përpjekjeve të paqes të Ukrainës për t’i dhënë fund luftës kundër Rusisë.
Pjesëmarrja e Zelensky-t në G7, i jep atij mundësinë për t’u takuar me vendet anëtare që tashmë mbështesin plotësisht Ukrainën: Kanadanë, Francën, Gjermaninë, Italinë, Japoninë, Mbretërinë e Bashkuar dhe Shtetet e Bashkuara, dhe t’i shtyjë ata për ndihmë të vazhdueshme ushtarake.
Por kjo gjithashtu i ofron Zelenksy-t një shans për të kërkuar mbështetje për Ukrainën dhe vizionin e saj për paqen me liderë nga një pjesë e vogël e vendeve të tjera, që po marrin pjesë gjithashtu në samit, disa prej të cilëve nuk i janë bashkuar Perëndimit në rritjen e sanksioneve kundër Rusisë ose atyre, si India, që kanë refuzuar të dënojnë Rusinë në Kombet e Bashkuara.
Discussion about this post