Presidenti izraelit: Po përballemi me një moment shumë të vështirë

Presidenti izraelit Isaac Herzog ka thënë se Izraeli “po përballet me një moment shumë të vështirë”, por ai mund të “kapërcejë të gjithë ata që na dëshirojnë të keqen”.

Në një deklaratë në rrjetin social X, ai shkroi: “Shteti i Izraelit po përballet me një moment shumë të vështirë. Dëshiroj t’u ofroj forcë komandantëve dhe ushtarëve të IDF (Forcave të Mbrojtjes së Izraelit) dhe të gjitha forcave të sigurisë dhe shërbimeve të shpëtimit.

Unë dërgoj inkurajimin dhe forcën time për të gjithë banorët e Izraelit që janë nën sulm.”

Ai u bëri thirrje të gjithëve që të ndjekin udhëzimet nga Komanda e Frontit të Brendshëm dhe të tregojnë përgjegjësi dhe vendosmëri reciproke.

Hamasi, grupi që drejton Rripin e rrethuar të Gazës, ka njoftuar fillimin e Operacionit Al-Aksa Flood kundër Izraelit, shkruan Al Jazeera.

Tmerri erdhi kur të gjithë po flinin: militantët palestinezë në Rripin e Gazës papritur qëlluan dhjetëra raketa në drejtim të Izraelit të shtunën (7 tetor) në mëngjes.

Sirenat paralajmëruese ranë në qytete të ndryshme të Izraelit, sipas ushtrisë.

Ushtria izraelite u ka bëri thirrje banorëve të pjesëve jugore dhe qendrore të vendit të qëndrojnë në zonat e mbrojtura.

“Në orën e fundit, organizata terroriste Hamas ka filluar një gjuajtje masive të raketave nga Rripi i Gazës në territorin izraelit dhe terroristët janë infiltruar në territorin izraelit në një numër vendesh të ndryshme.

Civilëve në zonat jugore dhe qendrore u kërkohet të qëndrojnë pranë strehimoreve, dhe në zonën përreth Rripit të Gazës, brenda strehimoreve. Shefi i Shtabit të Përgjithshëm aktualisht po kryen një vlerësim të situatës dhe po miraton planet për vazhdimin e aktivitetit të IDF. Organizata terroriste Hamas është sovrane në Rripin e Gazës dhe është përgjegjëse për këtë sulm. Ajo do të përballet me pasojat dhe përgjegjësinë për këto ngjarje.” shkruhet në një njoftim të ushtrisë izraelite.

Është ende e paqartë se si sulmuesit nga Rripi i Gazës kanë mundur të kapërcejnë kufirin e mbrojtur rreptësisht.

Israeli Minister of Defense, Yoav Gallant has Approved an order to begin the Call-Up of Reservists to Reinforce and Support the Israeli Defense Force.

Multiple rocket impacts in southern Israel. This was coordinated by multiple factions in Gaza pic.twitter.com/TZB2DFP92h

— MOOD OBIDIENT 🌎 (@anonymousmoood) October 7, 2023