Presidenti afgan, Ashraf Ghani mbajti një fjalim të shkurtër dhe të zymtë publik pak minuta më parë.
“Si presidenti juaj, fokusi im është në parandalimin e paqëndrueshmërisë, dhunës dhe shpërnguljes së mëtejshme të njerëzve të mi. Në situatën aktuale, ri-mobilizimi i forcave tona të sigurisë dhe mbrojtjes është përparësia jonë kryesore dhe po ndërmerren hapa seriozë në këtë drejtim,”-tha ai.
Sipas BBC, Ghani tha se ai nuk do të lejonte që një luftë e “imponuar” te njerëzit “të shkaktonte më shumë vdekje” dhe vlerësoi forcat “guximtare” të sigurisë që janë përpjekur të mbrojnë qytetet nga talebanët.
Fjalimi erdhi mes spekulimeve nga disa se Ghani mund të ketë qenë gati të njoftonte dorëheqjen e tij.
Kryengritësit talibanë kanë marrë qytetin e dytë dhe të tretë më të madh afgan, thanë zyrtarët lokalë të premten, ndërkohë që rezistenca nga forcat qeveritare është thyer përballë avancimit të luftëtarëve talibanë. Po shtohen shqetësimet se një ofensivë talibane ndaj Kabulit mund të ndërmerret brenda pak ditësh.
