Jeff Hovenier është emëruar nga presidenti i SHBA-së, Joe Biden, si ambasador në Kosovë. Hovenier, i lindur në Bellingham të Shteteve të Bashkuara të Amerikës, ka njoftuar se Kosova do të jetë shteti i parë në të cilën do të shërbejë si ambasador, derisa në vendet të tjera si Gjermania, Kroacia, Greqia, Turqia, Peruja, Serbia, ka pasur detyra të tjera.
Ai është diplomuar në vendlindje ndërsa karrierën prej tre dekadave e ka fokusuar në çështjet e sigurisë.
Jeff Hovenier ka luajtur rol në negociatat që çuan në shpalljen e pavarësisë së Kosovës në vitin 2008.
“Kemi investuar shumë në Ballkan. Është në interes të SHBA-së që Kosova të bëhet një vend i qëndrueshëm, i prosperuar demokratik, gjë që po bëhet”, ka thënë ai.
Me t’u emëruar, Hovenier kishte thënë se mezi po pret të kthehet në Prishtinë “për të punuar në forcimin e marrëdhënieve mes Kosovës e SHBA-së”.
Discussion about this post