Presidenti i Kolumbisë, Gustavo Petro zgjodhi edhe një herë të provokojë duke folur publikisht për legalizimin e kokainës, një lëvizje që ai e ka bërë shumë herë në të kaluarën.
Këtë herë, lideri i vendit të Amerikës Latine në mes të një mbledhjeje urgjente të kabinetit, filloi të flasë për procesin e legalizimit të drogës më të përhapur në planet.
Konkretisht, Petro vuri në dukje se kokaina nuk legalizohet sepse “prodhohet në Amerikën Latine” dhe vazhdoi duke e krahasuar me alkoolin, duke theksuar se “kokaina nuk bën më shumë dëm se uiski”.
Petro, presidenti i parë i Kolumbisë që vjen nga qendra e majtë, në fjalimin e tij të parë si President deklaroi se “lufta kundër drogës ka humbur” dhe njoftoi një sërë masash për kultivuesit e bimës së kokas.
Sipas presidentit të vendit, kultivimi ka të bëjë me më shumë se 110 mijë familje fermere, të cilat janë stigmatizuar pa nevojë, pasi gjethet e bimës nga e cila prodhohet droga përdoren edhe për prodhimin e plehrave kimike.
Discussion about this post