Presidenti i Kroacisë Zoran Milanoviç ka komentuar nismën e “Open Balkan”, e iniciuar nga kryeministri Edi Rama, presidenti serb Alexandër Vucic dhe kryeministri i MQV Zoran Zaev, për krijimin e një tregu të përbashkët në rajon.
Në një intervistë, Milanoviç është shprehur se kjo nismë nuk përbën asnjë rrezik për Europën, ndërsa tha se është pak shqetësim e vështirë Kosovën pasi nuk njihet tërërsisht si shtet, ndërsa e kundërta ndodh me Maqedoninë e Veriut, e cila e njohur.
“Në njohurinë time përfshin tre vende? Pra, Shqipëria, Maqedonia e Veriut dhe Serbia. Nuk shoh asgjë në këtë iniciativë që do të përbënte rrezik për çështjen evropiane të këtyre vendeve. Por pozicionet janë të ndryshme. Në rastin e Shqipërisë shoh përpjekje reale dhe sinqeritet. Në rastin e Kosovës, që ju nuk e përmendet, e shoh që vjen nga një nga këto vende, është më shqetësuese pasi pesë shtete te BE nuk e njohin Kosovën si të pavarur sipas ligjit ndërkombëtar. Pra si shtet. Maqedonia është e njohur plotësisht, nënshkroi marrëveshjen me Greqinë për emrin. Së fundmi ka mbetur për shkak të Bullgarisë, disa çështje edukimi dhe libra historie në shkollat publike të Maqedonisë. Nuk mund ta besoj këtë, është histori, një hapësirë e shtetit dhe nuk ndërhyhet në të. Hapësirat e hapura po, por duhet të shohim çdo të ndodhë”, tha Milanoviç.
Presidenti kroat tha ndër të tjera, se kjo iniciativë nuk dëmton rrugën e integrimit të Ballkanit, por se të pestë vendet e Ballkanit Perëndimor kanë pozicione të ndryshme.
“Ballkani i Hapur” është një nisëm e ndërmarrë nga liderët e Serbisë, Shqipërisë dhe Maqedonisë së Veriut, për krijimin e një tregu të përbashkët. Ky treg do të lejojë punëtorët të lëvizin nga njeri vend në tjetrin, dhe do të jetë pa ndalesa kufitare. Kështu, punëtorët do jenë në gjendje të lëvizin të lirë nga njeri vend në tjetrin, të kërkojnë punë dhe të punojnë pa qenë nevoja për të plotësuar kushte të caktuara si regjistrimi, apo monitorimi nga Ministria e Brendshme. Kështu përfshihet dhe lëvizja e lirë e kapitalit, mallrave dhe shërbimeve.
