Presidenti Ilir Meta, ka reaguar pas deklaratave të kryeministrit Edi Rama në mbledhjen e grupit parlamentar të PS-së. Duke folur për Presidentin e ri, Rama e ka cilësuar Metën si një president skandaloz në histori. Ndërkohë nga ana tjetër, Meta i është përgjigjur duke marrë të dhënat më të fundit të INSTA-t, që dëshmojnë dëshmojnë për zbrazjen katastrofike të vendit. Meta shkruan se Shqipëria ka në vit 50 mijë qytetarë më pak edhe përtej skenarit më negativ të parashikueshmërisë së zvogëlimit demografik. Sipas tij, ka ardhur koha për të ndalur këtë shkretim, të programuar të vendit nga “Rilindja” lokale dhe ndërkombëtare.
“Treguesit demografikë të INSTAT, dëshmojnë për zbrazjen katastrofike të vendit. Shqipëria ka në vit 50 mijë qytetarë më pak edhe përtej edhe skenarit më negativ të parashikueshmërisë së zvogëlimit demografik. Thënë ndryshe çdo vit fshihet nga harta popullsia e një qyteti mesatar. Ky është një alarm i kuq për ndaljen sa më parë dhe me çdo kusht të këtij shterrimi asgjësues të popullit. Ky model “zhvillimi” nuk është gjë tjetër veçse model dëshpërimi dhe asgjësimi. Koha për të ndalur këtë shkretim, të programuar të vendit nga “Rilindja” lokale dhe ndërkombëtare” – shprehet Meta.
Kujtojmë se në mbledhjen e grupit parlamentar të Partisë Socialiste, kryeministri Edi Rama ka komentuar vendimin e Gjykatës Kushtetuese lidhur me mos-shkarkimin e presidentit Ilir Meta. Ndër të tjera në fjalën e tij, Rama tha se vetë Gjykata e provoi se Meta kishte shkelur Kushtetutën, por shtoi ende nuk e kishte zbuluar se përse nuk u shkarkua.
Discussion about this post