Kreu i Grupit Parlamentar demokrat Enkelejd Alibeaj deklaroi pas seancës së sotme parlamentare se me ezaurimin e tre raundeve të para pa kandidatë, humbën rastin për një president mbi palët.
Para gazetarëve, Alibeaj u shpreh se PS fillimisht e pranoi marrëveshjen e propozuar prej tij, por më pas kryeministri Edi Rama u tërhoq nga ujdia e arritur në konferencën e kryetarëve.
“Në momentin kur ne afruam rregulla që u pranuan me zë dhe figurë nga ana e Ramës ndodhi ajo që di të bëjë gjithmonë, të tërhiqet. Ishte mazhoranca ajo e cila duke tërhequr fjalën dhe duke mos marrë pjesë në proces çoi në këtë situatë. Nuk ka asgjë për t’u qortuar në pjesëmarrjen tonë. Në këtë proces e dimë qartë që për shkak të ndryshimeve të vitit 2008 presidenti zgjidhet me 71 vota në raundin e katërt dhe pestë. Është detyrë e opozitës për të mos zgjedhur një president të njëanshëm. Për një president mbi palët nuk duhet të ishte as i njërës dhe as i tjetrës. Ajo që Rama ka thënë gjithmonë e bëri dhe kësaj radhe. Humbëm një rast për t’i dhënë shqiptarëve një institucion që do të kishte legjitimitetin e palëve”, tha Alibeaj.
Discussion about this post