Nancy Pelosi është kryetarja e Dhomës së Përfaqësuesve në Shtetet e Bashkuara të Amerikës. Ndërkohë shtëpia e saj në San Francisko u sulmua nga një agresor i panjohur që hyri brenda. Ai goditi me çekiç bashkëshortin e saj, Paul Pelosi.
Pas kësaj ngjarje të rëndë ka reaguar dhe Shtëpia e Bardhë me një mesazh ku shpreh mbështetjen dhe lutjet e Presidentit Biden në lidhje me familjen Pelosi.
Deklarata e Sekretares së Shtypit të Shtëpisë së Bardhë, Karine Jean Pierre mbi sulmin kundër Paul Pelosi:
“Presidenti po lutet për Paul Pelosi dhe për të gjithë familjen e kryeparlamentarit Pelosi. Sot në mëngjes ai telefonoi kryeparlamentarin Pelosi për të shprehur mbështetjen e tij pas këtij sulmi të tmerrshëm. Ai është gjithashtu shumë i lumtur që pritet një rikuperim i plotë. Presidenti vazhdon të dënojë çdo dhunë dhe kërkon që të respektohet dëshira e familjes për privatësi”.
Discussion about this post