Presidenti rus Vladimir Putin ka shkarkuar ministrin e tij të Mbrojtjes, Sergei Shoigu, për t’i dhënë postin e kreut të Këshillit të Sigurimit të Federatës Ruse.
”Më shumë se dy vjet pas pushtimit në shkallë të plotë të Ukrainës fqinje, Shoigu zëvendëson Nikolai Patrushev si sekretar të Këshillit të Sigurisë Kombëtare”, njoftoi Kremlini.
Sipas Kremlinit pasardhësi i Shoigut do të jetë ish-zëvendëskryeministri Andrei Belousov.
Propozimet e Putinit për përbërjen e qeverisë së re ruse u morën në Këshillin e Federatës. Putini u betua për një mandat të ri vetëm pak ditë më parë.
Asnjë arsye zyrtare nuk është dhënë për ndryshimin e personelit.
“Sot, fituesi në fushën e betejës është ai që është më i hapur ndaj inovacionit dhe zbatimit të tij”, theksoi zëdhënësi i Kremlinit Dmitry Peskov, duke shpjeguar vendimin e Putinit për të emëruar një civil në krye të Ministrisë së Mbrojtjes.
Belousov nuk është vetëm një nëpunës civil, por gjithashtu ka punuar me sukses në politikë për shumë vite dhe këshillon Putinin për çështje ekonomike.
Ai është pa dyshim kandidati më i mirë për të zgjeruar kompleksin industrial të mbrojtjes së Rusisë dhe për të futur teknologji të reja, tha për TASS Sergei Gavrilov, një deputet i Dhomës së Ulët ose Duma.
Kishte disa spekulime për shkarkimin e mundshëm të 68-vjeçarit Shoigu, ministër i Mbrojtjes që nga viti 2012.
Discussion about this post