Nënkryetari i LSI, Petrit Vasili ka reaguar pas deklaratave të Taulant Ballës se është hera e parë që mazhoranca ulet në bisedime për emrin e Presidentit të ri.
Për t’iu përgjigjur Ballës, Vasili ka sjellë në vëmendje negociatat për zgjedhjen e Presidentit në vitin 2012, ku shkruan se në bisedime u ulën Berisha, Rama, Patozi dhe Ruçi për zgjedhjen e presidentit. Teksa publikon fotot, deputeti i LSI shprehet me ironi: “Ju vazhdoni thelloni gropën septike dhe nxirrni në fund një president që vjen erë”.
“Taulant Balla nga halli i Ramës thau memorien dhe çuditi dynjanë kur thotë për herë të parë bëhen bisedime për presidentin: “Është hera e parë që një mazhorancë hyn në bisedime me dakordësinë për të pasur një president që të personifikojë unitetin e popullit”. Po mirë mo Taulant po në 3 qershor 2012 për të zgjedhur presidentin harrove qe u takua Berisha, Rama, Patozi dhe Ruçi. Ju vazhdoni thelloni gropën septike dhe nxirrni ne fund një president qe vjen erë. Për të freskuar kujtesën që u ka futur ne xhep Rama ja fotot e 3 qershorit 2012”, shkruan Vasili.
Discussion about this post