Gjatë takimit që pati sot me homologen Vjosa Osmani, presidenti i Sllovenisë, Borut Pahor, kërkoi që të zbatohet gjithçka që është rënë dakord në Bruksel dhe të finalizohet Asocacioni. Por në përgjigje të kërkesës së tij presidentja e Kosovës, Vjosa Osmani, tha se Serbia nuk i ka implementuar shumicën e marrëveshjeve. Ndërsa shtoi më tutje se, Gjykata Kushtetuese nuk ka dhënë akoma vendimin mbi këtë çështje, për shkak se konstaton që Asocacioni nuk i pëmrbahet Kushtetutës.
“Një marrëveshje që nuk është implementuar është sepse, parakusht është që duhet të respektohet vendimi i Gjykatës Kushtetuese. Gjykata Kushtetuese ka thënë se Asociacioni nuk është në përputhje me Kushtetutën Serbia nuk i ka implementuar as 2/3 e marrëveshjeve”, tha Osmani paraprakisht, duke vënë në pah se Serbia ende refuzon t’i shkatërrojë të gjitha strukturat ilegale dhe të mos i financojë ato.
Ndërsa presidenti slloven, Pahor, tha se çështjet më të rëndësishme mund të zgjidhen përmes dialogut, por theksoi se kushti i parë është që të respektohen marrëveshjet e arritura. “Çështjet më të rëndësishme mund të zgjidhen me dialog. Kushti i parë është që të respektohen marrëveshjet. Ne e kuptojmë vendimin e Gjykatës Kushtetuese, por për palën e tretë që nuk është nënshkruese e kësaj marrëveshjeje Derisa të mos merreni vesh ndryshe, kjo marrëveshje duhet respektuar. Është e sigurt se gjithmonë duhet t’i kthehemi dialogut”, tha Pahor. Ndërsa nuk ka ngurruar as t’i bëjë thirrje Serbisë të jetë më e gatshme dhe e dejtë në vazhdimin e dialogut.
Discussion about this post