Presidenti Ilir Meta i është bashkuar listës së politikanëve që kanë përkujtuar 111 vjetorin e lindjes së Nënë Terezës. Përmes një postimi në Facebook, ai e cilëson shenjtoren shqiptare si simbolin më përfaqësues të humanizmit vendas.
“Dashuria duhet vënë në veprim”, predikonte Shenjtorja Nënë Tereza, simboli më përfaqësues dhe frymëzues i humanizmit, solidaritetit dhe i vajzës, motrës dhe nënës së dhembshur shqiptare”.
Ndër të tjera, Meta thekson se “Sot, në 111-vjetorin e lindjes së saj, nderimi më i madh që mund t’i bëjmë është të ndjekim shembullin e veprës së saj dhe vlerat më të mira kombëtare, njerëzore dhe hyjnore që promovoi gjatë gjithë angazhimit jetësor.
“Jo të gjithë ne mund të bëjmë gjëra të mëdha, por secili nga ne mund të bëjë gjëra të vogla me dashuri të madhe”.
