Presidentja e Komisionit Evropian, Ursula von der Leyen, ka biseduar të martën me kryeministrin e Kosovës, Albin Kurti për nevojën e uljes së tensioneve në veri.
Ajo i shtohet numrit të zyrtarëve të lartë ndërkombëtarë që po bëjnë përpjekje për të siguruar stabilizim të situatës.
Përmes një postimi në Twitter, ajo ka përmendur edhe nevojën e rikthimit të Kosovës dhe Serbisë në dialogun e ndërmjetësuar nga Bashkimi Evropian, për normalizim të marrëdhënieve.
Von der Leyen ka thënë se do të bisedojë më vonë gjatë ditës edhe me presidentin e Serbisë, Aleksandar Vuçiç.
Të hënën u sulmua me granatë dore komuna e Mitrovicës veriore, ku u dëmtuan dy vetura.
Lidhur me rastin ka reaguar kryeministrin Albin Kurti, i cili ka thënë se Serbia duhet të ndërpresë menjëherë nxitjet për dhunë.
“Mbrëmë ndërtesa e komunës në veriut të Mitrovicës është sulmuar nga dy granata dore, duke shkaktuar dëme në veturat e afërta. Fatmirësisht asnjë person nuk u lëndua, por mund të kishte ndodhur lehtësisht. I bëj thirrje Serbisë që menjëherë të ndërpresë nxitjet për dhunë para se të humbasin jetë”, u shpreh Kurti.
Discussion about this post