Presidentja e Komisionit Evropian, Ursula Von der Leyen, në konferencën e përbashkët me kryeministrin Edi Rama dhe kancelarin gjerman Olaf Scholz u pyet edhe për çështjen e emigracionit.
Ajo tha se kjo temë nuk ishte në fokusin e diskutimeve të Samitit por tha se Bashkimi Europian do të punojë ngushtësisht me Ballkanin Perëndimo për forcimin e kufijëve dhe regjistrimin e saktë të kufijëve.
“Pati diskutime të limituara për emigracionin. Nuk ishte fokusi i diskutimeve tona dhe patjetër ne patëm një shikim me BE për rrugët e emigracionit nëpërmjet Ballkanit Perëndimor. Mund të them se çështja e parë nëse e shohim nga BE është të kemi rregullat tona të brendshme të adresuara dhe kjo është që të përfundojmë paktin e azilit dhe refugjatëve por jemi drejt një rruge pasi kemi rënë dakord për menaxhimin e krizës.
Po punojmë ngushtësisht me Ballkanin Perëndimor për masa si forcimi i kufijve që të kemi marrëveshje me disa, një regjistrim i saktë i refugjatëve dhe gjithashtu janë të rëndësishme edhe politikat e vizës. Agjencitë evropiane po përpiqen sa më shumë. Sa i përket rrugëve ligjore, po përfshijmë Ballkanin Perëndimor nëpërmjet menaxhimit të emigracionit për kufijtë e jashtëm”, tha von der Leyen.
Ajo gjithashtu theksoi se duhet të dyfishojmë potencialin dhe ekonominë e Ballkanit Perëndimor, si dhe t’u japim ritëm reformave të BE-së.
“Vitin e kaluar kam thënë se procesi i Berlinit do të jetë në duar të mira dhe kam pasur të drejtë. Pavarësisht këtij optimizmi ka shumë për t’u bërë.
Duhet t’u japim ritëm reformave të BE. Të rrisim dhe të dyfishojmë potencialin dhe ekonominë për Ballkanin Perëndimor.
Prandaj duhet ta përfshijmë Ballkanin drejt tregut të përbashkët në 7 pika të rëndësishme.
Duhet që BE të plotësojë atë që është tregu i përbashkët rajonal. Duhet që vendet të hapen fillimisht ndaj njëri-tjetrit dhe të hapen plotësisht sa i përket ekonomisë”, tha von Der Leyen.
Discussion about this post